دارك

كل ما تحتاجه في بيت واحد
 
الرئيسيةالبوابةاليوميةس .و .جبحـثالتسجيلدخول

شاطر | 
 

 جدول بنت وولد في رمضان

اذهب الى الأسفل 
كاتب الموضوعرسالة
betty
مشرفة القسم الديني
مشرفة القسم الديني
avatar

تاريخ التسجيل : 28/03/2008

مُساهمةموضوع: جدول بنت وولد في رمضان   الجمعة 21 أغسطس 2009, 1:45 pm

بسم الله الرحمن الرحيم

كل سنة وانتوا طيبين يا اجمل اخوات واصحاب ده اول رمضان نكون ما بعض
اقل من 48 ساعة ونتسحر ويؤذن الفجر ونبدا الفرحة بالشهر الكريم
فى رمضان بنحس كلنا بفرحة وبجو حلو لا يمكن وصفه مهما كان عندنا هموم بنحس بالفرحة وبلمة كل افراد الاسرة على الفطار والسحور وكمان نزور الاقارب احساسيس مش عادية وفرحة مش عادية وشهر مش عادى

ولكن فى ال 48 الساعة اللى حنا فيهم لازم نعرف احنا حنعمل ايه فى رمضان ومن هنا جه السؤال المهم اللى لازم كل واحد فينا يساله لنفسه-----
----انت راضى عن نفسك رمضان اللى فات وايه اللى ناويه رمضان ده --------------------
كلنا لازم نعرف ان الصوم ده فريضة مش عادية لان الصوم لله وربنا يجزى به اى ان الصوم له جزاء وثواب خاص عند الله لاننا بنتحكم فى نفسنا ارضاء لله مش مسالة صوم عن الاكل وخلاص بل صوم عن الشهوات والذنوب المتكررة فى حياتنا
وانا سالت نفسى ولقيت اننا بنضيع الصيام وبنخسر حسنات كتير اوى اوى عشان تفاهات بجد حاجة وحشة اوى اننا نضيع شهر زى ده من غير ما نستغل كل دقيقة فيه
مشكلة ناس كتير مننا تعرف هى ايه؟
ايه المشكلة بقى---------- اننا مابنعرفش ننظم الوقت فى رمضان وبنعمل غلطات بتضيع الصيام زى
1 بعد ما نصحى من النوم على الساعة 12 نفتح التليفزيون على المسلسل وننسى اننا صايمين ليه لان المسلسلات حرام اننا نتفرج عليها قبل الفطار وده كلام برامج دينية كتير على قناة الرحمة واقرا والرسالة تعرف ليه افرض مثلا ان شوفت بنت فى المسلسل راقصة او متعرية شوية او منظر يثير شهوتك او اى حاجة شبه كده ايه موقفك اخذت ذنوب وضيعت صيامك على ايه

2 الصيام لازم معاه صلاة حتقولى طب انا مش بصلى او مش مواظب على الصلاة اعمل ايه حقولك ابدا وحدة وحدة ابدا تصلى الفجر بعد السحور وجرب التروايح فى المسجد وشوف قلبك ساعتها حتلقيه بيدق وفيه فرحة ليها طعم حلو وممكن اوى تستمر فى الصلاة بعد رمضان جرب وحاول ولو بصلاة واحدة فى اليوم حتلاقى نفسك بتصلى كل الفروض بعد كده جرب وصدقنى حتحس بان مبسوط فى حياتك وربنا حيوفقك فى اى حاجة انت بتتمناها البداية مش صعبة

3 النوم حتى الفطار غلط طبعا لانك ما بتحسش انك صايم وكمان بتضيع الثواب

4 مش عارف تعمل ايه فى الوقت قبل الفطار وبعد الفطار حقولك الحل

حل المشكلة
انا عملت خطوات حلوة وجامدة حنفذها ان شاء الله فى رمضان وبجد ناس كتير حتستفاد منه
1 شوف المسلسلات بعد الفطار عشان مضيعش الصيام ومش خلاص حتموت وتشوف الحلقة الجديدة انا بحب المسلسلات وبحب اشوفها بس بعد الفطار

2 قبل الفطار اتفرج على برامج دينية وشبابية والبرامج دى كتير وبتتكلم عن كل حاجة فى حياتنا شباب وكبار وهى برامج حلوة والله شوفها واحكم وانا حكتب مواعيدها اخر التوبيك

3 نام الطبيعى بتاع كل يوم قبل رمضان بس راعى انك تواظب على الصلاة ومتضيعش اى صلاة

4 بعد الفطار صلى التروايح ولو مرة جرب بجد حاجة حلوة اوى وشوف قرايبك واتصل بيهم ويا سلام لو اتفقت مع اصحابك فى الكلية وروحت تصلى التروايح فى جامع ابراهيم جرب كده وحتحس بالفرق
5
حلو لو غيرنا رنة الموبايل عشان لا نضر صيامنا ممكن نعمل رنة التليفون قران كريم او دعاء او اغنية دينية

اغانى دينية هناك البومين وهما -- البوم تامر حسنى =الجنة فى بيوتنا
البوم ايهاب توفيق= الا رسول الله

فيهم اغانى دينية حلوة وانا عامل رنة تليفونى اغنية شهر رمضان من البوم الجنة فى بيوتنا رنة حلوة اوى


كده نكون نظمنا حياتنا ورضينا ربنا

يا جماعة فى رمضان كل دقيقة محسوبة علينا قدام ربنا وحنتحاسب عليها حاول تغير من نفسك ولو شهر عشان يمحى ذنوب شهور من عليك

ودلوقتى مواعيد البرامج الدينية المتنوعة فى رمضان 1430 , 2009

برنامج قصص القران الجزء الثاني
للداعية عمرو خالد
نقره على هذا الشريط لتكبير الصورة

1-يذاع على قناة الرسالة
الساعة 11:00 مساء بتوقيت السعودية
والاعادة
الساعه 6:00 صباحا والساعه 2:40 ظهرا

2-يذاع على قناة فور شباب
الساعة 11:00 مساء بتوقيت السعودية
الاعادة
الساعة 3:30 ظهرا بتوقيت السعودية

3-يذاع على قناة المحور
الساعة5:00 عصرا بتوقيت القاهرة
الاعادة
1:00 صباحا

4-يذاع على قناة ابوظبي
الساعة 3:00 بتوقيت القاهرة
الاعادة
الساعة 3:00 صباحا بتوقيت القاهرة

5-يذاع على قناة شام
الساعة 5:00 عصرا بتوقيت القاهرة
الاعادة
الساعة 2:30 صباحا بتوقيت القاهرة
--------------------------------------------------------------------------------------------------------------------------------
برنامج قصة حب
للداعية مصطفى حسني (مباشر
يذاع على قناة اقرا فقط

الساعة 11:00 ليلا(بتوقيت القاهرة)

والاعادة

الساعة 5:00 فجرا(بتوقيت القاهرة)

-------------------------------------------------------------------------------------------------------
برنامج الطريق الصح
للداعية معز مسعود
يذاع على قناة المحور قبل الافطارمع معتز الدمرداش
-----------------------------------------------------------------------------------------
برنامج الدين والحياة
مع دعاء عامر

يذاع على قناة الحياة الساعة 4 عصرا
-------------------------------------------------------------------------------------
ملحوظة على البرامج
سيتم تغيير التوقيت بمصر يوم 21 اغسطس فقنوات اقرا والرسالة وفور شباب بتوقيت السعودية... خلي بالكم..بينا وبين السعودية ساعه ..اما بقية القنوات بتوقيت مصر


----------------------------------------------------------------

رمضان كريم

_________________
الرجوع الى أعلى الصفحة اذهب الى الأسفل
Bart
Admin
Admin
avatar

تاريخ التسجيل : 27/03/2008

مُساهمةموضوع: رد: جدول بنت وولد في رمضان   السبت 22 أغسطس 2009, 5:52 am

الله ينور يا بيتي

_________________
ولست أبالي حين أقتل مسلما
على أي جنب كان في الله مصرعي


الرجوع الى أعلى الصفحة اذهب الى الأسفل
http://darak.montadarabi.com
betty
مشرفة القسم الديني
مشرفة القسم الديني
avatar

تاريخ التسجيل : 28/03/2008

مُساهمةموضوع: رد: جدول بنت وولد في رمضان   الأحد 23 أغسطس 2009, 2:49 am

منور يا بارت

_________________
الرجوع الى أعلى الصفحة اذهب الى الأسفل
MiSs Ocean
مراقبه عامه
مراقبه عامه
avatar

تاريخ التسجيل : 15/08/2009

مُساهمةموضوع: رد: جدول بنت وولد في رمضان   الأحد 23 أغسطس 2009, 6:07 am

مرسي يا حبيبتي

_________________


إذا كانت مدن أحلامي هي الطريق الوحيد لرؤيتك والبقاء معك
فسأبقى نائـــــمة طـــــــــــــــوال العمر
الرجوع الى أعلى الصفحة اذهب الى الأسفل
 
جدول بنت وولد في رمضان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دارك :: الدار الإسلامي :: المواضيع الاسلاميه-
انتقل الى: